هل ارفضه من رغم حبى ليه؟

انافتاه ابلغ من العمر 24 حبيت شخص اكبر منى 7 سنين وهو شخص صريح لأبعد
الحدود وجرئ جدا هو كمان حبنى وكتير بيثبت ليا حبه ليا بس فى الحقيقه فى شويه اعترافات كتير جريئه وانذهلت لسماعها فهو شخص تعب كتير فى حياته واشتغل كتير وشاف ناس كتير مش كويسين وكويسين وفى الحقيقه والده طول عمره قاسى عليه ووالدته متوفيه يعنى تقريبا انا لوحدى دنيته وكل حاجه فى حياته بس الاعترافات بتاعته مخوفانى ومش عارفه اعمل ايه هو قالى انه زنا قبل كده عاتبته وقولتله ليه تعمل انت بقيت زى الناس اللى بتكرها قالى انا مش جنسى انا رومانسى ولما عملت كده بعمله مع اللى ارتحتلها وحبيتها بس فى الحقيقه محبش واحده بس ده عمل كام مره مع كذا حد خوفت اوى هو كلم والدى علشان يتقدم ولسه محددناش اى ميعاد بس خايفه من الاعترافات دى ساعات اقول انا هارفض الحب ده والزواج منه وساعات كتير اقول لا انا بحبه ومتأكده انه بيحبنى علشان انا مش زى اللى عرفهم قبل كده الحمدلله انا متدينه ومختلفه عنهم كلهم وهو قالها ليا قبل كده انه مش هيسيبنى وشارى اوى وانا لما بفتكر الكلام ده بقول اوافق واقف جنبه ده حبيبى وهايبقا شريك حياتى وبإيدى اغيره اخليه ينسى كل القرف والحاجات اللى مش كويسه اللى شافها وساعات اقول ماهو ممكن يخونى ويعمل كده تانى وفى الحقيقه مش متصوره انى اتجوز حد يكون لمس واحده قبلى وفى حقيقه تانيه بقول لروحى يعنى لو كنت هرتبط بحد مش صريح معايا واكتشفت بعد الجواز انه عمل الحاجات دى هرتاح ساعاتها
فى الحقيقه انا مش عارفه اتكلم اكتر من كده وحاسه انى مش عارفه اوضحلكم الموضوع بس اتمنى اكون عرفت اوضح ولو جزء بسيط وتساعدونى واعرف ارائكم اقبل بيه وبلاش اخنق عليه ولا ابعد عنه من رغم الحب اللى بينا وياترى الدين بيقول ايه والعادات والتقاليد وياترى حياتى هتبقا ازاى مش عارفه جوايا اسئله كتير وبجد تعبت من كتر التفكير لوحدى ياريت تساعدونى وانا دلوقتى مش بكلمه وهو حاسس انى زعلانه او فيا حاجه مش عارفه بقا اعمل ايه وكله يتوقف على ارائكم واشوفها زى اللى فى دماغى ولالا وياترى اكلمه وافهمه انى لو وافقت عليه يبقا علشان بحبه وان لما نصحته ووبخته كان قصدى فعلا انه يبقا احسن انسان على وجه الارض بالنسبة لى اعمل ايه ؟
علما بانى بحبه قوى قوى وبيحبنى وانا واثقه من ده