مصر و حالها ال جايب الكافيه من رجالها ل عيالها

يا ترى حد فكر فينا ف حال مصر اليومين دول وال بيحصل فيها
يا ترى هنفضل ساكتين وكل واحد حرامى بياخد اى حاجه يشتهيها
اما حاجه فعلا غريبه

كل حاجه فى بلدنا أصبحت غريبة

كل حاجه فى بلدنا أصبحت غريبه

الأرهابى رسموا على قورته زبيبه

والاغانى بتتكتب عن حيوانات فى الزريبه

والأسعار بترتفع بصوره رهيبه

والحرامى بيتغنى ويتهرب من الضريبه

والغلبان بيتمسك ويتحط فى التخشيبه

والبلد كلها أصبحت نهيبه--------- --------- -------

كل حاجه فى بلدنا أصبحت غريبه

النظافه فى الشوارع بقت مافيش

واللبن فاسد من التغشيش

والمراكز العليا محتكرها متقاعدين الجيش

والحكومه نازله سجن فى الأخوان وتطفيش

والشباب بيعانى من الضياع والتهميش

والمساطيل زادوا من غير أفيون ولاحشيش--------- --------- ------

كل حاجه فى بلدنا أصبحت غريبه

الزحام زاد فى قاهره المعز

والأنفلونزا طالت الفراخ والوز

والحديد بقى أبن عز

والاسمنت سعره زلزال بيهز

وأحنا مش لاقيين العيش والرذ

واللى يعترض يتقال له طز--------- --------- ---

كل حاجه فى بلدنا أصبحت غريبه

بعنا كرامتنا ومشينا ورا الامريكان

وطلبنا منهم المعونه والأحسان

والديمقراطيه ماأنش ليها الاوان

واللى يتظاهر يتضرب على ظهره بالعصيان

والمحروقين والغارقنين نسيناهم فى الأكفان

وشغلنا نفسنا بقضيه هاله سرحان--------- --------- -------

كل حاجه فى بلدنا أصبحت غريبه

الجراج بنوه ودفنوه من غير جنازه

وكأن الفلوس كثيره عندنا ومالهاش عازه

والشوارع مليانه باخوان التوربينى وبزازه

ووزاره الشئون وجمعياتها واخده اجازه

والحكومه مرتبطه مع الحزب بجوازه

وأحنا بنشرب من سنين من نفس الازازه--------- --------- -------

كل حاجه فى بلدنا أصبحت غريبه

كل واحد كان بليد فى المدرسه وخايب

كبروا علينا وعملوه نايب

وقزقزه اللب والنوم فى المجلس أمر مايتعايب

والاراضى والشاليهات بتتوزع على الحبايب

والمال العام بيتسرق وكأنه مال سايب

والشعب كله بيعاملوه على أنه غايب--------- --------- --------- -

كل حاجه فى بلدنا أصبحت غريبه

البقر والجاموس جالها حمى القلاع

وعمر أفندى أتباع من بعد صراع

والدور جاى على باقى القطاع

ورجل أعمال من النوع الطماع

بنى قدام القلعه أبراج وقلاع

والشكل التاريخى للمنطقه ضاع--------- --------- -----

كل حاجه فى بلدنا أصبحت غريبه

قدموا مواد من الدستور للتعديل

والنتيجه كانت تعديل هزيل

واللى يعترض يبقى خاين وعميل

و ناس بتهرب الفلوس وبتعمل لها غسيل

وأصحاب مراكب نايمه وعايشه فى النيل

منسيه من الدوله وكأنهم مجاهيل

كل حاجه فى بلدنا أصبحت غريبه

يا ترى العيب ف مين في البلد ولا ف الناس النايمين

يا ترى هنصحى ونفوق ولا هنفضل ساكتين

رساله من قلب شاب على بلده حزين

ازيكو يا جماعة انا عضو جديد هنا معاكو.

برنسي العزيز,

أنا شايف انك المفروض تحط اختيار تالت في الاستفتاء زي مثلاً"الاتنين عايزين الحرق"
بصراحة انا شايف ان الغلط ع الاتنين مع بعض
ع الحكومة اللي نسيت نفسها
والشعب اللي سايبها و خاضع ليها كل ده

اقتباس :: "أحياناً اشعر ان الشعب المصري يستحق ما هو فيه,شعب خاضع ذليل يركع لأول لسعة سوط في الهواء"

الجملة لأحمد خالد توفيق من كتاب يوتوبيا و اظن انها فعلا بتلخص الموقف بالنسبة للشعب
مش فاكر الاقتباس بالظبط بس هو كان حاجة زي كده

بجددددد المووووووووووووضوووووووووووووووووووووع رووووووووووووووووووووووووعة اوي وبجد انا مش عارف احنا هنفضل كدا لحد امتا
تسلم يا باشا على الموضوع دة

اولا احب اقدم شكر خاص لكاتب الموضوع و الموضوع مميز جدا

ثانيا : الموضوع دا مش جديد وموجود من زمان بس ماحدش حاسس بيه

ثالثا : سبب المشكلة الشعب

اقولك انا بقى لية

لان الشعب بيزيد بطريقة فظيعة

الدولة مش مكفيه حاجاتهم واحتياجتهم

الحكومة : تحديد النسل
الشعب : نسل اية محنا بناكل ونشرب

دا كان مثال للتوضيح

العدد فى مصر زاد عن الحد المتوقع

ولسة فى تزايد مستمر

وفى النهاية بعطى ترشيحى على الشعب

و للمرة التانية شكرا على الموضوع

الف شكر على المروررررر الجميل المميز منكو يا احلى شباب وترحيب خاص ب عاصم شاهين وتهنئه كبيره جدا لاسلام والبرنس صاحب الموقع لان المنتدى جامد جدا وان كان الموضوع حلو او مميز دا سببه انكو مريتو عليه ونورتونى والف شكر على الردود الجميله دى يا شباب

كريم...........

شكرا لك

سلام عليكم يا جماعه انا عضوه جديده وبجد الموضوع عجبنى جدا والكلام جميل جدااااااااااا جداااااااااااااوبجد فنان اللى كتبه
وانا رايى انا احنا اللى عملنا فى نفسنا كده بسبب سكوتنا اللى ملهوش مبرر
صحيح دلوقتى كل رب اسره خايف احسن ميعرفش يأكل ولاده ويعيشهم ولو حتى ابسط عيشه بس ده اهون عنده من انه يطالب بابسط حقوقه وليه؟؟؟؟؟؟؟؟؟؟؟؟؟؟؟؟؟؟؟؟؟برده عشان خايف

والله انت عندك حق

بس انت عامل استفتاء و هو محسوم من الاول

الحكومه:بالفساد

الشعب:بالسكووت

الاثنين غلطانين

مع شكري الحار للموضوع الشيق

مشكور

تحياتي\mezo ورود

تسلم اديكو يا شباب ععلى الردود الجميله دى و اتمنى ان حال البلد يتعدل عن كدا